WESTERNISASI

Dening : KI Naryo

kemrosak swarane ombak

banjir bandhang kang teko saka negara kulon

guling gemuling banyu butheg ganda pengar

kiprahe westernisasi

nrajang bumiku sing maune arum angambar

tanggul ambrol merga lena

kabeh lena, kagubet, kasrimpet, kabondo

Ucape dhemit..........."Bangga apa nutut"

bumimu wis dadi endhut

kiyamating budayamu ateges kiyamating negaramu

ha.........ha...........ha..........ha..................
ha.........ha...........ha..........ha..................

dhemit-dhemit ngguyu nyekakak

kaya-kaya wis kelegan anggone nguntal jagad

sapa kuat mbendung ??

aku kabeh yaiku kawat-kawat kesabaran lan kawaspadhan.